|  

साउदीले भोलिदेखि अन्तराष्ट्रिय हवाई उडान प्रतिबन्ध हटाउदै

३० भाद्र २०७७, मंगलवार २२:३५ प्रकाशित
खोज संग्रह

यो खोज संग्रहद्वारा प्रकाशित गरिएको हो |


भदौ २९, काठमाडौँ | साउदी अरेबियाले आंशिक रूपमा मंगलबारदेखि अन्तर्राष्ट्रिय उडानमा भएको यसअघिको प्रतिबन्ध हटाउने भएको छ । साउदीको आन्तरिक मन्त्रालयले कोरोना महामारीको कारणले यात्रा प्रतिबन्ध लगाएको छ महिना पछि यस्तो निर्णय गरेको हो ।

साउदीले यो निर्णय गरेसंगै विशेष परिस्थितिमा सीमित सङ्ख्यामा मानिसहरूलाई साउदीमा यात्राको अनुमति दिइने भएको छ । अरब न्यूजका अनुसार साउदीका गृहमन्त्रीले कोरोनाका कारण अन्तर्राष्ट्रिय यात्रामा लगाइएको प्रतिबन्ध आगामी वर्षको जनवरीसम्ममा पूर्णरूपमा हटाइने जनाएका छन् ।

प्रतिबन्ध हटेसंगै मानिसहरूलाई जल, थल र सीमाबाट आवतजावतको अनुमति दिइनेछ । प्रतिबन्ध हटाइने मितिको घोषणा वर्ष सकिनु ३० अगाडि अर्थात डिसेम्बरमा जानकारी दिइनेछ र स्वास्थ्य मन्त्रालयले यात्री तथा यात्रा सेवा प्रदायकका लागि नियमहरू तय गर्नेछन् ।


खाडी नागरिकहरू र वैध रेसिडेन्सी अनुमति वा भिसा भएका अन्यलाई समेत मंगलबारदेखि साउदी प्रवेश गर्न दिइनेछ । अरब न्यूजका अनुसार साउदी अरबमा आइतबारसम्म देशका ९३ प्रतिशत संक्रमित ठिक भएका छन् ।

स्वास्थ्य मन्त्रालयको हवाला दिदैँ प्रकाशित समाचारका अनुसार साउदीमा ३ लाख २५ हजार ६ सय ५१ संक्रमित रहेकोमा ३ लाख २ हजार ८ सय ७० संक्रमित निको भइसकेका छन् ।

साउदी प्रवेश गर्न पाउनेले अनिवार्य कोरोना नेगेटिभको प्रमाण भने पेस गर्नु पर्ने बताइएको छ ।

साउदी सरकार र सैन्य कर्मचारीहरू, दूतावासका कामदारहरू, विद्यार्थी र चिकित्सा उपचारको लागि आवश्यक पर्ने व्यक्तिहरू लगायत अन्यलाई पनि मंगलबारदेखि साउदी प्रवेश गर्न र बाहिर जान अनुमति दिनेछ ।

साउदी अरेबियाले गत मार्चमा अन्तर्राष्ट्रिय उडान स्थगित गरेको थियो । जसको कारण धेरै विदेशी कामदार तथा साउदीकै नागरिकहरु समेत विदेशमा अलपत्र परेका थिए ।

३० भाद्र २०७७, मंगलवार २२:३५  मा प्रकाशित

Write your Comment

हाम्रो टिम

प्रधान सम्पादक: करन सिङ्ह पाल
सम्पादक: नरेश महरा
बजार ब्यबस्थापक: गणेश रावत

हाम्रो संवाददाता
भावना पाण्डेय

रङ्ग संवाददाता
सुनिल बिसि

कार्यक्रम प्रस्तोता
अमिशा रिसाल

खोज संग्रह मिडिया द्वारा संचालित
सूचना विभाग दर्ता नं:
कम्पनि रजिस्टर नं. 225844/076/077
महेन्द्रनगर, नेपाल
सम्पर्क: +977 985-8750083
info@khojsangrah.com
www.khojsangrah.com

सामाजिक संजाल