खोज संग्रह
|
महेन्द्रनगर २८ असाेज । राष्ट्रिय प्रजातन्त्र पार्टीका युवा नेता हेमबाबु लेखकले पार्टीको केन्द्रीय समिति बिस्तारबारे अापत्ति जनाएका छन् । महाधिवेशनले निर्दिष्ट गरेको केन्द्रीय समिति संख्यालाई पुनः एकीकरणका नाममा ७२७ सदस्यीय बनाइएकोमा उनलेे अापत्ति जनाएका छन् । राप्रपा र राप्रपा संयुक्त एकीकरण पश्चात् बन्न लागेको केन्द्रीय समितिकाे सदस्य मनाेनित भएको २४ घण्टा नबित्दै नेता लेखकले उक्त अापत्ति जनाएका हुन् । मनाेनयन पत्र नबुझ्दै उनले अाफ्नाे सामाजिक सञ्जाल फेसबुक मार्फत यस्तो अापत्ति रहेको अाशय उल्लेख गरेका छन् । उनले अाफ्नाे फेसबुकमा राप्रपाकाे केन्द्रीय समिति बढीमा ४५ सदस्यीय हुनुपर्ने र त्यसैमध्येबाट ११ सदस्यीय सचिवालय पर्याप्त हुने सुझाव समेत उल्लेख गर्दै नेता लेखकले काठमाण्डुमा सिमित नेताको चाकरी, चाप्लुसी गर्ने, गाउँमा संगठन नबनाउने, भएका कार्यकर्ता पलायन हुने, समर्थक र शुभचिन्तक घट्दै गइरहेको तर्फ गम्भीर नभएको तर जम्बाे केन्द्रीय समिति बनाएर जग हँसाएकाे टिप्पणी गरेका छन् । एकीकरणअघि राप्रपा केन्द्रीय सदस्य र सुदूरपश्चिम प्रवक्ता रहेका नेता लेखक पार्टीभित्र सुदूरपश्चिमबाट अध्यक्ष कमल थापाका निकटतम विश्वासपात्र मानिन्छन् ।
|
|
|
