This Site Temporary Disabled Contact for more info: 9846617227

  |  

रामकुमारी झाँक्रीले प्रहरीलाई रिहा गरे लगतै प्रहरीसंग यस्तो माग राखेपछि प्रहरीले पनि गरिदियो माग पुरा

२९ माघ २०७७, बिहीबार २०:०२ प्रकाशित
खोज संग्रह

यो खोज संग्रहद्वारा प्रकाशित गरिएको हो |


काठमाडौं । आन्दोलनरत नेकपाकी नेता रामकुमारी झाँक्रीलाई करीव ६ घण्टा पछि प्रहरीले रिहा गरेको छ । विहिवार दिउसो पक्राउ परेकी उनलाई प्रहरीले साँझ रिहा गरेको हो । उनलाई प्रहरीले विना सर्त रिहा गरेको हो । उनलाई प्रहरीले घरमै लगेर छाडिदिने शर्तमा रिहा गरेकाे हो ।  विहिवार उनलाई शंखमुल स्थित निवासवाटै प्रहरीले पक्राउ गरेर महानगरीय प्रहरी अपराध महाशाखा मिनभवनमा लगिएको थियो । उनीसंग प्रहरीले लिखित वयान लिएको छ ।

नेता झाँक्रीले राष्ट्रपतिप्रति आफ्नो सम्मान सधैँ रहेको लिखित वयान दिएकी छन् । उनलाई प्रहरीले सोधपुछका लागि भन्दै बोलाएको थियो । तर झाँक्री प्रहरीकहाँ उपस्थित हुन नगएपछि पक्राउ गरिएको हो । राष्ट्रपतिका बारेमा उनले दिएको विवादित अभिब्यक्तिका कारण पक्राउ गर्न चर्को दवाव परेपछि सोधपुछका लागि बोलाउँदा नआएपछि घरमै गएर ल्याएको प्रहरीले उनलाई अदालती अभियोजन प्रक्रियामा लैजान नचाहेको देखिएको थियो ।

झाँक्रीले रिहा हुने बेला दिएको लिखित वयानमा भनेकी छन्– संवैधानिक राष्ट्रपति प्रति मेरो हिजो पनि सम्मान थियो,आज पनि छ र भोलि पनि रहन्छ । मैले संविधानप्रदत्त अभिव्यक्ति स्वतन्त्रताको हक उपभोग गरेको हो ।

अपराध महाशाखाका प्रमुख दिपक थापाले सोधपुछका क्रममा राष्ट्रपतिको अपमान गर्ने उद्देश्य नरहेको र सम्मान रहेको लिखित वयान दिएपछि रिहा गरिएको बताएका छन् । झाक्री रिहा भए लगतै पत्रकारहरुसंग कुरा गर्दै प्रवृत्तिका विरुद्ध बोल्न नछोड्ने बताएकी छन् । उनले राष्ट्रपतिको संस्थामाथि भन्दा पनि व्यक्तिको आचरणबारे बोलेकाले कुनै पश्चाताप नभएको प्रतिक्रिया दिएकी छन् । उनले भनिन्, व्यक्तिको आचरणविरुद्ध बोलेको हो । बोलिहरन्छु । मलाई कुनै पश्चाताप छैन ।

उनले प्रतिगमनविरुद्धको आन्दोलन अझै सशक्त हुने पनि उद्घोष गरिन् । ‘चौतर्फी दबाव थेग्न नसकेपछि सरकारले मलाई रिहा गरेको हो । प्रतिगमनविरुद्धको आन्दोलन अझै सशक्त हुन्छ, बनाइन्छ’, रिहा भएपछि उनले संक्षिप्त प्रतिक्रिया दिँदै भनिन् ।

स्रोतका अनुसार उनलाई प्रहरीको चाहनामा भन्दा पनि प्रधानमन्त्री केपी ओली र उनका सहयोगीहरुको जोडबलमा पक्राउ गरिएको हो । राजनीतिक विषयमा हात नहाल्ने मूडमा रहेको प्रहरी ओली, उनका सहयोगी र गृह मन्त्रालय समेतको निरन्तरको दवावपछि नै उनलाई पक्राउ गर्न निवाससम्म पुगेको थियो । तर पक्राउसँगै चौतर्फी आलोचना भएपछि उनलाई हिरासतमा राखिराख्न प्रहरीले चाहेको थिएन भने सोही कुरा बालुवाटार र सरकारी निकायले समेत ‘महसुस’ गरेपछि झाँक्रीलाई ५ घण्टामै रिहाइ गर्न सरकार बाध्य भएको हो ।

२९ माघ २०७७, बिहीबार २०:०२  मा प्रकाशित

Write your Comment

हाम्रो टिम

प्रधान सम्पादक: करन सिङ्ह पाल
सम्पादक: नरेश महरा
बजार ब्यबस्थापक: गणेश रावत

हाम्रो संवाददाता
भावना पाण्डेय

रङ्ग संवाददाता
सुनिल बिसि

कार्यक्रम प्रस्तोता
अमिशा रिसाल

खोज संग्रह मिडिया द्वारा संचालित
सूचना विभाग दर्ता नं:
कम्पनि रजिस्टर नं. 225844/076/077
महेन्द्रनगर, नेपाल
सम्पर्क: +977 985-8750083
[email protected]
www.khojsangrah.com

सामाजिक संजाल